O evento está organizado pola Rede PAC, parte da Subdirección Xeral de Planificación da Política Agraria e a Subdirección Xeral de Desenvolvemento Rural, ambas as dúas do Ministerio de Agricultura, Pesca e Alimentación (MAPA).

Obxectivo do día

O obxectivo xeral do evento é poñer en valor o papel activo da muller no rural a través das cooperativas. Os obxectivos específicos inclúen:

• Comprender a evolución da participación das mulleres nas cooperativas agroalimentarias e a súa representación actual no sector.
• Visibilizar as experiencias das mulleres socias activas nas cooperativas.
• Potenciar as cooperativas e o liderado feminino no sector cooperativo.
• Difundir iniciativas empresariais e proxectos de mellora da posición da muller dentro das cooperativas.
• Coñecer os recursos existentes para promover a participación activa das mulleres nas cooperativas: organizacións, obradoiros, materiais educativos, etc.

Público obxectivo

O evento está dirixido a aquelas persoas que traballan no sector cooperativo agroalimentario e/ou traballan na promoción da igualdade de oportunidades no rural. Así mesmo, a todas as mulleres vinculadas ao sector agroalimentario.

O evento realizarase en liña , e para participar é preciso rexistrarse a través da ligazón.

Xa podes ver o VÍDEO do evento e descargar as presentacións.