No marco das actividades da Rede Rural Nacional, levouse a cabo, a proposta da Rede de Autoridades Ambientais, o obradoiro “Sinerxías entre o programa LIFE e os Programas de Desenvolvemento Rural do Feader” .

O evento tivo como obxectivo poñer en valor os resultados dos proxectos LIFE que ofrecen solucións ambientais significativas nos ámbitos da agricultura, a silvicultura e a protección dos medios naturais, así como mostrar os mecanismos de complementariedade e sinerxía entre o Feader e o Programa LIFE.

Os obxectivos específicos foron:

• Difundir proxectos LIFE exitosos nos ámbitos da agricultura e a silvicultura entre os membros da Rede Rural Nacional como canle de intercambio de experiencias entre un público directamente interesado e afectado pola problemática medioambiental do rural.
• Presentar a experiencia das autoridades de xestión do Feader que incorporaron os resultados dos proxectos LIFE á programación e deseño das medidas financiadas polo Feader.
• Difundir oportunidades e experiencias de financiamento do Feader para o mantemento a longo prazo dos proxectos LIFE desenvolvidos no rural.
• Presentar a participación do Feader no Proxecto LIFE Integrado “NADAPTA” como exemplo da complementariedade de accións e financiamento entre o programa LIFE e o Feader.
• Difundir as sinerxías e diferenzas entre os proxectos LIFE e os proxectos do grupo operativo EIP-Agri do Feader sobre un tema específico.