O coworking preséntase como unha forma de traballo innovadora, capaz de contribuír á dinamización económica do rural, coas súas diferentes modalidades e fórmulas de xestión. Ao mesmo tempo, fomenta o coñecemento, o contacto e crea relacións entre os membros da comunidade de coworking destes territorios.

A reunión do 31 de xaneiro de 2019 pretendía ser unha oportunidade para compartir experiencias, coñecementos e mellores prácticas entre os facilitadores e xestores de espazos de coworking, así como os representantes dos Grupos de Acción Local de todo o país.

Os obxectivos da reunión xiraron arredor dos seguintes puntos:

• Potenciar o coworking como unha nova forma de traballar que posibilita a creación de novas oportunidades de emprego e económicas para as persoas do rural.
• Interconectar e vincular profesionais de distintos sectores de actividade no rural
• Ofrecendo aos profesionais dos espazos de coworking e aos propios espazos visibilidade e ferramentas para establecer contactos e crear sinerxías entre eles
• Potenciar a actividade económica no rural mediante o desenvolvemento de proxectos compartidos entre diferentes profesionais destes ámbitos.
• Dar a coñecer casos de boas prácticas no coworking no rural