18 de xuño de 2018

Os Grupos de Foco Europeos (GF) son grupos temporais de 20 expertos, formados arredor dun aspecto específico importante para o sector agroalimentario ou forestal, co obxectivo de estudar e debater os principais problemas aos que se enfrontan e buscar e priorizar prácticas innovadoras para a súa resolución.

A súa composición é multidisciplinar, integrada por persoas do subsector económico correspondente (usuarios finais) e de centros de coñecemento relacionados coa súa materia (centros de I+D+i, órganos asesores, organismos e centros de formación, etc.). Reúnense varias veces para compartir e sintetizar coñecementos en mellores prácticas específicas para o territorio, reflectindo tamén os desafíos e as oportunidades nunha área específica.

A Dirección Xeral de Agricultura da Comisión Europea lanzou unha convocatoria de solicitudes para participar como expertos en dous novos Grupos Temáticos Europeos da Asociación Europea para a Innovación (EIP-Agri):

• Xestión herbácea libre de produtos químicos en sistemas de cultivos arables : as plantas herbáceas compiten cos cultivos pola luz solar, a auga e os nutrientes, e poden transmitir enfermidades. Por iso son tratadas con diversos produtos fitosanitarios, que nalgúns casos poden ser prexudiciais para a saúde vexetal e/ou animal. Por iso a Unión Europea busca reducir a dependencia destes produtos sen afectar á produción. Desenvolver e promover unha xestión herbácea libre de produtos químicos reduciría os riscos asociados ao uso de pesticidas. Estas técnicas son principalmente preventivas e deben empregarse con sistemas convencionais e orgánicos. (Primeira reunión os días 21 e 22 de novembro).
• Enfermidades e pragas nas oliveiras: Recoñecer e comprender a natureza dos patóxenos que afectan ás oliveiras e as súas interaccións co clima, o cultivo e o medio ambiente é esencial para minimizar os danos nas colleitas e as perdas económicas. Este GF busca explorar prácticas de cultivo máis sostibles, incluído o uso de pesticidas non químicos, abordando o ciclo completo de pragas e enfermidades na produción de oliveiras: a súa prevención, detección, xestión e control. O traballo debería dirixirse a sistemas convencionais e orgánicos. (Primeira reunión os días 28 e 29 de novembro)

Se tes experiencia e coñecementos nalgunha destas áreas e podes axudar a atopar solucións prácticas aos problemas actuais nestes sectores, animámoste a solicitar a túa participación como experto/a nestes grupos de discusión da AEI-AGRI antes do 10 de setembro.

O traballo doutros grupos de discusión europeos pódese consultar no seguinte enlace: ligazón .