O vindeiro mércores, 20 de marzo, celebrarase unha sesión informativa sobre a Convocatoria de Proxectos Innovadores de Interese Xeral 2019, a executar polos grupos operativos suprarrexionais da AEI-AGRI , no marco do Programa Nacional de Desenvolvemento Rural 2014-2020 xestionado polo Ministerio de Agricultura, Pesca e Alimentación (co Financiamento Europeo de Desenvolvemento Rural do Fondo Europeo de Desenvolvemento Rural 2014-2020).

Toda a información sobre estas subvencións está dispoñible nestas ligazóns:

https://www.mapa.gob.es/es/prensa/ultimas-noticias/se-convocan-las-ayudas-2019-para-proyectos-innovadores-a-ejecutar-por-grupos-operativos-supra-autonomicos-de-la-asociación-europea-para-la-innov/tcm4:907-504:907

https://sede.mapama.gob.es/portal/site/se/ficha-procedimiento?procedure_id=462&procedure_suborg_responsable=160

O acto celebrarase en Madrid, no sétimo andar da Gran Vía de San Francisco, de 11.00 a 13.30 horas, e tamén se retransmitirá en directo a través de streaming . A Subdirección Xeral de Innovación e Dixitalización, como dependencia responsable da xestión desta medida, desenvolverá o seguinte programa:

Despois de cada presentación, haberá unha sesión de preguntas e respostas para resolver calquera dúbida ou aclarar estas subvencións.

O programa definitivo publicarase en breve na páxina web da Rede Rural Nacional,

http://www.redruralnacional.es /

O público obxectivo deste evento é amplo: empresas do sector agroalimentario e forestal, cooperativas e as súas federacións, organizacións e asociacións do sector agroalimentario e forestal, organizacións interprofesionais, centros tecnolóxicos agroalimentarios, clusters agroalimentarios, universidades e centros de coñecemento, administracións públicas, redes LEADER, GAL, ONGs medioambientais, asociacións de mulleres rurais, etc.

Os interesados poden realizar a preinscrición no correo electrónico idiagri@mapama.es indicando simplemente a súa vontade de asistir ao evento e os seus datos (nome, apelidos, correo electrónico, cargo, organización na que traballan) e poñendo no asunto: XORNADA INFORMATIVA PREINSCRICIÓN CONVOCATORIA DE PROXECTOS INNOVADORES 2019 .

Por limitacións de aforo só poderá acudir unha persoa por entidade . A listaxe definitiva de admitidos será elaborada por rigorosa orde de preinscrición.

Non se poden cubrir os gastos de viaxe e manutención dos asistentes a este evento.