A Rede Rural Nacional, a través da súa Unidade de Xestión da Dirección Xeral de Desenvolvemento Rural, Innovación e Política Forestal do Ministerio de Agricultura, Pesca e Alimentación, pon en marcha un obradoiro titulado “ Turismo Enogastronómico en Territorios con Distintos Estándares de Calidade Rexistrados na UE”.

O obxectivo do evento é debater e reflexionar sobre o potencial do turismo enogastronómico no rural, especialmente vinculado aos produtos alimentarios amparados polos estándares de calidade diferenciados rexistrados na Unión Europea. Ademais, preténdese estender a experiencia do modelo de xestión do Club de Produto "Ruta del Jabugo" a outras zonas rurais.