O vindeiro 14 de novembro terá lugar a terceira reunión do Subgrupo LEADER no Salón de Actos da Secretaría Xeral de Pesca, sede do Ministerio de Agricultura, Pesca e Alimentación, na rúa Velázquez 147 de Madrid.

O obxectivo principal desta reunión será recoller comentarios sobre a sección de desenvolvemento local da versión actual do documento de referencia para o Obxectivo Específico 8.

O público obxectivo son as Autoridades de Xestión e/ou xestores da medida 19 (LEADER) dos PDR; as redes representativas dos Grupos de Acción Local, rexional e nacional; e, FEGA.

Ademais, resérvanse tres prazas para as organizacións interesadas en participar na Asemblea da RRN.