Os obxectivos específicos que se marca a Rede Rural Nacional para este encontro son:

• Conectar actores que se enfrontan a problemas similares a través da innovación.
• Facilitar a transferencia dos resultados obtidos a través da Medida 16 dos PDR e do PNDR, para favorecer a xeración de novas ideas e garantir que os proxectos e solucións ensaiados nun ámbito se implanten noutros.
• Ademais, incrementarase a visibilidade dos resultados destes proxectos, achegándoos ao ámbito local.
• Facilitar a comunicación entre os Grupos Operativos Feader e os proxectos que se desenvolven no marco do programa de investigación europeo H2020 sobre as mesmas temáticas.

Público obxectivo

Reunirá diferentes   Grupos Operativos e Proxectos Innovadores , así como outros axentes do medio rural non relacionados directamente con eles (centros de investigación, empresas, cooperativas, etc.) pero que poidan estar interesados en implantar os resultados obtidos, replicar o proxecto noutros territorios, ou formar parte dun novo grupo ou proxecto de futuro.