A Rede Rural Nacional, a través da súa Unidade de Xestión da Dirección Xeral de Desenvolvemento Rural, Innovación e Formación Agroalimentaria do Ministerio de Agricultura, Pesca e Alimentación, pon en marcha o Grupo Focal "Acceso á Terra".

Enviámosvos unha invitación para que participedes neste grupo de traballo multidisciplinar , no que participarán expertos de diversas procedencias (sistemas de axudas aos agricultores, incorporación de mozos ao sector agrario, mercados de terras, catastro rural, fiscalidade, estatística, bancos de terras, etc.).

O obxectivo do Focus Group será debater e analizar en profundidade a situación actual e as principais barreiras de acceso á terra, que supoñen un obstáculo para o relevo xeracional e a incorporación dos mozos ao sector agrario, así como explorar conxuntamente as oportunidades existentes e as posibles solucións prácticas .

A primeira reunión do Focus Group terá lugar o vindeiro luns, 9 de marzo de 2020, de 10:00 a 15:00 horas. na Gran Vía de San Francisco, 4-6, 28005 – Madrid. Sala 7C.

O evento organízase a través da Rede Rural Nacional, que tamén organiza os desprazamentos dos asistentes que o precisen.