A innovación agraria ten un dos seus eventos máis importantes en Oeiras (Portugal) os días 11 e 12 de outubro no Cumio Agri Innovation 2017.

Este encontro pretende servir de plataforma de debate sobre a dixitalización aplicada á agricultura, co obxectivo de involucrar aos grupos operativos que impulsen proxectos neste campo innovador.

O concepto de dixitalización estase a desenvolver no ámbito da innovación como modelo de futuro para a agricultura. Esta iniciativa porá en evidencia o cambio de paradigma no agro, onde se require cada vez máis formación cualificada e que se está a converter nunha actividade cada vez máis atractiva para a mocidade pola súa estreita relación coas novas tecnoloxías.

O Cumio de Innovación Agricola 2017 (AIS 2017) marcou tres obxectivos na súa axenda:

1. Promover contactos e alianzas entre iniciativas de innovación multiparte interesadas, tanto no marco dos programas de desenvolvemento rural como de Horizonte 2020.

2. Sensibilizar sobre as oportunidades de innovación e dixitalización na agricultura e nas economías rurais e sobre como estas se poden apoiar nos programas de desenvolvemento rural en curso.

3. Contribuír ás políticas de innovación da UE na agricultura e nas zonas rurais máis aló de 2020, tal e como se indica no punto 7 da Declaración de Cork 2.0.

O AIS 2017 é unha iniciativa conxunta do goberno portugués, a rede EIP-AGRI e a Rede Europea para o Desenvolvemento Rural. Espérase que o evento reúna a máis de 500 agricultores, empresas rurais, empresas de nova creación, autoridades de xestión de programas de desenvolvemento rural, redes rurais nacionais, investigadores, asesores e ONG de toda a Unión Europea.