Esperientziak trukatzea funtsezko tresna da Landa Garapeneko Programak garatzeko eta gauzatzeko, bai eta interesak partekatzen dituzten beste talde batzuekin loturak sendotzeko edo lurraldeen arteko lankidetza-proiektu bat abiarazteko ere. Landa-eremuan parte hartzen duten talde ezberdinen arteko elkartruke tematikoak errazteak eragileen parte-hartzea areagotzea eta landa-garapeneko politikak eraginkortasunez gauzatzea ahalbidetzen du, epe ertain eta luzera haien arteko harreman-esparru bat ezartzeko oinarriak ezarriz.

ODISSEU proiektua Kataluniako LAGen LEADER lankidetza-ekimena da. Landa eremuak gazteei eskaintzen dizkien aukeren berri ematea du helburu, bertan proiektu profesionalak garatzeko. Hainbat jardueraren bitartez, ekintzailetasuna sustatzen da, enplegagarritasuna hobetuz eta enpresak talentuarekin konektatuz.